U Tempu
Cun CORSICA METEO
25 d'aprile
25 d'aprile
Cupertu
I nuli so numerosi sta mane nant'à a facciata sudu uveste. U celu hè chjaru à pocu nivulatu altrò. In u dopu meziornu u tempu si copre in Cismonte, for di a Balagna, cun qualchi acquata chi smariscenu in principiu di serata.
A limita pioggia neve si situeghja trà 1400 metri è 1600 metri.
U libecciu soffia muderatu à assai forte in u stremu sudu è versu a Balagna. S'attenuisce in a notte à vene.
E timperature massimale so sempre sott'à e norme di stagione. Vanu da 14 à 17° in facciata uveste, 15 à 18° in facciata este, 12 à 15° à l'interiore, è trà 8 è 11° in i paesi di muntagna.
A 7 ore è mezu sta mane in Cervioni, a timperatura era di 10°, a pressione atmusferica di 1007 milibari è un percentuale d’umidità di 79
- in cità di Bastia, a pressione atmusferica era di 1005 milibari, u percentuale d'umidità di 69 è a timperatura di 12°
- in Calvi, nant'à u portu, a timperatura era di 13°, una pressione atmusferica di 1011 milibari è 66 percentu d'umidità.
- in Aiacciu, strada di e Sanguinarie, una timperatura di 12°, 62 percentu d'umidità è una pressione atmusferica di 1005 milibari.
