Cartulare finanziariu di u Petit Bar : nova messa in esame

In u quadru di u cartulare finanziariu di u Petit Bar eri quattru persone devianu esse prisentate davanti à i ghjudici di a ghjuridizzione interregiunale di Marseglia. In fine di ghjurnata Jean-Laurent Susini, cugnatu di Jacques Santoni, hè statu messu in esame per imbianchimentu è piazzatu in prigiò pruvisoria.  Ramintemu chì Jacques Santoni hè statu incarceratu à l’unità uspitaliera di a prigiò di e Baumettes è serà trasferitu in una prigiò parigina a settimana prussima. Un trasferimentu necessariu postu chi e cundizione medicale indispensevule à u so statu di salute, ùn sò micca reunite à e Baumettes.