Cismonte : nove misure contr'à u covid

U prefettu di Cismonte hà decisu nove misure contr’à l’evuluzione di u covid in u dipartimentu à parte da luni u 19 d’ottobre. A maschera hè obligatoria in Calvi, Calinzana è L’Isula in più di Bastia è Corti. Obligatoria dinù in cimiterii durante e vacanze di I Santi. L’evenimenti ricevendu u publicu sò sempre autorizati ma senza beie nè manghjà. A vendita di beiende è di nutritura hè interdetta in l’accinte spurtive è ind’una zona di 300 metri ingiru à u campu di ghjocu di Furiani e sere di scontri.