Attualità

Core in fronte interpella l’esecutivu di a Culletività di Corsica

Véronique Pietri cunsigliere territuriale di u partitu Core in Fronte,  hà interpellatu l’esecutivu inquant’à a lingua corsa è a lettera di u FCPE di Pumonte, mandata à a ministra di l’educazione, Elisabeth Borne. Una missiva chì và à l’incontru di a generalisazione di u bislinguisimu à a scola. 

L’eletta di Core in Fronte hà puntatu una pusizione di silenziu è di tralascera da a parte di l’esecutivu di pettu à a lingua. U presidente Gilles Simeoni hà rispostu chì a Corsica avia a furtuna d’avè un rettore, Rémi-François Paolini, cunsideratu cume u rettore di a lingua.  Hà annunziatu dinù a creazione d’una cummisione linguistica in appoghju à a pulitica di l’esecutivu