Attualità

Core in Fronte : occupazione di banche

Sta mane, Core in Fronte hà occupatu a BNP di Purtivechju è altre banche in Aiacciu, Bastia è L'Isula. In st’occasione, un fogliu di prupaganda hè statu distribuitu pè dinunzià una pulitica bancaria di stabilimenti francesi stallati in Corsica cunsiderata cum’è sfavurevule à i Corsi. Core in Fronte rimpruvereghja frà altru à e banche di bluccà l’accessu à l’alloghju pè numerosi giovani corsi, d’incuragì a speculazione fundiaria è a culunisazione finanziaria. St’azzione hè un avertimentu di u muvimentu indipendentistu chì chjama à a mubilisazione di i Corsi.