Coronavirus : a Corsica zona di circulazione attiva di u virus

Dipoi eri a Corsica hè classificata cume zona di circulazione attiva di u siscu Covid19. Sette novi dipartimenti, frà i quali u Cismonte è u Pumonte, passanu in zona rossa. U decretu hè esciutu à u ghjurnale ufficiale pigliendu effettu immediatu. Cuncerna in tuttu, 28 dipartimenti, frà i quali 4 ultremare, sò in rossu.
U prefettu di Corsica hà annunziatu misure specifiche: tuleranza zero in i lochi induve a maschera hè ubligatoria; i caffè devenu chjode à mezanotte à parte da oghje. Hà ramintatu l’impurtanza di u rispettu di i gesti barrieri. In fine dipoi a settimana scorsa i residenti di l'Ehpad Santa Teresa in Bastia sò interdetti di visite dopu chi trè casi pusitivi sò stati riveli in core di u stabilimentu.