Coronavirus : bilanciu di l'ARS

In u so bilanciu oghjincu l’ARS hà fattu sapè eri sera chi trè clusters sò stati ricensati in l’isula. Dui in pumonte è unu in un stabilimentu di salute in Cismonte. Tutte e persone pusitive sò state isulate. D’altrò sei persone sò state cuntrullate pusitive st’ultimi ore è 21 persone sò sempre uspitalizate frà elle 11 in reanimazione. 

Allora chi un novu cunsigliu di difesa sanitariu si tenerà mercuri  nove misure naziunale puderebbenu esse aduprate. Si per l’ora un terzu cunfinamentu ùn hè micca d’attualità, si parla di stende u coprifocu à sei ore di sera à l’inseme di i dipartimenti è a Corsica serebbe dinù cuncernata. 

Un sundagiu di a rivista “Paroles de Corse”,  “Opinion of Corsica” è C2 C Corse face sapè chì 56 % di e persone interrugate in Corsica ùn si feranu micca vaccinà. L’ultimu numeru di persone vaccinate in l’isula hè di 958.