Coronavirus : u bilanciu di l'ARS

Eri sera l’ARS hà fattu sapè chì e cuntaminazione cuntinueghjanu à cresce in Corsica. 61 casi pusitivi sò stati custattati dapoi 24 ore, 28 in Pumonte è 33 in Cismonte cù 4 uspidalizazione in più. In tuttu, 26 persone sò uspidalizate, frà quesse 12 in rianimazione (3 in Pumonte è 9 in Cismonte). Un cluster hè statu identificatu in u serviziu di pneumolugia di  l’uspidale di Bastia. Un paziente “falzu negativu” nè serebbe à l’origine. Misure d’igiene rinfurzate sò state pigliate pè impedì una prupagazione di l’epidemia è i persunali, chì sò stati visticati. Di listessa manera chè i malati di stu serviziu, trasferiti versu altri settori di u stabilimentu.