Coronavirus : u bilanciu

L’ultimu bilanciu di l’ARS annunzia chì una donna di 70 anni hè morta da u Covid. 147 persone anu persu a vita dipoi u principiu di a pandemia è 41 persone fermanu à l’uspidale. Frà elle, 7 sò in rianimazione, tutte in Cismonte. 51 sò state cuntrullate pusitive st’ultime 24 ore (15 in Pumonte è 36 in Cismonte). A oghje, 4182 persone sò vaccinate in Corsica.

Cuncernendu a campagna di vaccinazione, e persone anziane sò numerose à mubilizassi per fà u vaghjolu in Corsica. In l’isula tredeci centri sò stati messi in piazza è accoglienu e persone di più di 75 anni è e persone cù patulugie severe. L’ARS face sapè chì, à u 22 di ghjennaghju, 10 948 persone averanu ricevutu e duie dose.