Attualità

Coronavirus : u bilanciu

U numeru di i novi casi pusitivi cala cù 16 persone cuntrullate pusitive in a ghjuranta d’eri frà elle 14 in Cismonte.  55 persone fermanu uspitalizate, è 7 in serviziu di reanimazione.

Cuncernendu a vaccinazione 127 825 persone anu ricevutu a prima dosa di u vaghjolu è 72 828 a seconda. Durante sta fine di settimana i centri di vaccinazione aprenu di manera intensiva in l’isula è accoglienu u publicu à parte da 18 anni.

Cum’è l’anu scorsu a municipalità di Bastia hà decisu d’aiutà i cummercianti di i diritti d’occupazione di u duminiu publicu cacciendu e tasse di e so terrazze sin’à u 30 di ghjugnu.