Voce Nustrale

Attualità

Corsica
14 di ghjennaghju

Corsica è Covid

L’ARS face sapè chì un omu di 78 anni hè mortu da u Covid in Cismonte. Ne simu à 143 morti. 26 persone sò sempre uspidalizate. Frà quesse, 6 sò in rianimazione. 62 sò state cuntrullate pusitive, 23 in Pumonte è 39 in Cismonte. Un altru cluster hè statu identificatu in Pumonte, ind’un associu spurtivu. D’altrò, per via di 4 elevi cuntaminati, i corsi sò suspesi sin’à a fine di a settimana ind’una classa di u liceu San Paulu d’Aiacciu. A cuntaminazione serebbe accaduta durante attività spurtive fora di u stabilimentu. Cuncernendu u cluster identificatu à l’uspidale di Bastia in u serviziu pneumologia, 15 persone sò state cuntrullate pusitive è isulate. Ci vole à sapè chi l’uspidale cuntinueghja un’attività nurmale è chi u serviziu di pneumologia hè statu spiazzatu è funziuneghja nurmalmente. Si nota infine in Balagna un percentuale di pusitività più altu chè a media.

Dapoi a rientrata di ghjennaghju, l’affaccata di u variante inglese è a crescita di e cuntaminazione impenseriscenu i persunali di i stabilimenti sculari. Ancu sì u retturatu face sapè chì ùn ci hè stata nisuna catena di trasmissione dapoi u mese di maghju in i stabilimenti di l’accademia, campagne di vistichera puderebbenu esse pruposte à i liceani.

Toccu u principiu di a pandemia, a facultà di e scienze è tenniche di l’Università s’hè mubilizata pè cuntribuì à a ricerca. A u mese di dicembre, hà raghjuntu a reta Obépine pè analizà prestu l’acque di e stazione d’epurazione in Bastia è Aiacciu. Analisi chì permetteranu d’avè dati sanitarii in più nant’à a cunniscenza di a covid, ma dinù nant’à l’influenza di a gastro-enterita è altre affezzione batteriane.

Rivista di stampa

Diguasti di a timpesta Hortense

24 di ghjennaghju | Corsica

Liga 2 : disfatta di l'ACA in Dunkerque

24 di ghjennaghju | Aiacciu

Volley-ball : nova disfatta di u GFCA

24 di ghjennaghju | Aiacciu

Covid : bilanciu di u 23 di ghjennaghju

23 di ghjennaghju | Corsica

Loubet ripiglia a corsa di Monte Carlo

23 di ghjennaghju | Monte Carlo

INSEE: a Corsica a più tocca da a Covid

23 di ghjennaghju | Corsica

A CGT dinunzia a precarità à a Posta

23 di ghjennaghju | Aiacciu

Covid : l'ultimu bilanciu

23 di ghjennaghju | Corsica

Liga 2 : l'ACA si dispiazza in Dunkerque

23 di ghjennaghju | Aiacciu

U trail biancu annulatu

23 di ghjennaghju | Corsica

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza