Covid 19 : 95 per centu di u variente Delta

L'ARS annunzia chì 30 persone sò uspitalizate, è 3 in reanimazione. 301 casi pusitivi sì stati identificati, frà i quali 259 in Cismonte. A prisenza di u variente Delta hè arregistrata in più di 95 per centu di i testi pusitivi in Corsica.

U Cismonte hà francatu u percentuale d’alerta  di i 200 casi pusitivi à a Covid per 100.000 abitanti. Ci vole à rispettà più chè mai i gesti barrieri mà dinù l’applicazione di u passu sanitariu in i stabilimenti  sottumessi à a regula.  E misure prese in Balagna puderebbenu esse rinfurzate è allergate à l’inseme di u dipartimentu. Ramintemu chi in Balagna è San Fiurenzu i stabilimentu chi ricevenu u publicu devenu chjode à parte da 11 ore di sera è l’evenimenti festivi è famigliali  ùn ponu addunì più di 50 persone.

In Balagna induve a frequentazione turistica hè calata,  nove reunione sò previste sta simana trà l’autorità è i socio prufessiunali, per circà alternative à e misure sanitarie.