Covid : i testi individuali aspettati in farmacia à a fine di a settimana

L’ARS hà fattu sapè in u so bilanciu oghjincu, chì duie persone anu persu a vita eri, vittime di u Covid. Un omu d’82 anni è una donna di 89 anni.  Dipoi u principiu di a pandemia, 204 persone sò morte in Corsica. 12 novi casi pusitivi sò stati custattati, 4 in Pumonte, è 8 in Cismonte. 44 persone fermanu uspitalizate, frà e quale 17 sò in reanimazione (7 in Cismonte, 10 in Pumonte)

A oghje, 77 756 persone anu ricevutu a prima dosa di u vaghjolu è 31 213 a seconda. Da quì, à a fine di settimana, i testi antigenichi seranu à dispusizione di tutti in tutte e farmacie.