Covid : l'ultimu bilanciu

L’ultimu bilanciu di l’ARS annunzia chì una donna di 82 anni hè morta da a Covid à l’uspidale d’Aiacciu. 148 persone anu persu a vita dipoi u principiu di a pandemia in Corsica, induve 42 persone fermanu uspitalizate. Frà elle, 6 sò in rianimazione, tutte in Cismonte. 59 sò state cuntrullate pusitive st’ultime 24 ore (20 in Pumonte è 39 in Cismonte).  In Corsica nè simu à 4578 persone vaccinate.

Dopu à u cluster identificatu in u centru la Palmola induv’è 12 persone è un aiutu medicale sò stati cuntrullati pusitivi à a Covid 19, u centru di cure è di readattazione situatu in Oletta  s’urganiseghja. Cusì u stabilimentu s’appronta à a  apre una vintina di letti  per malati chi necessiteghjanu di cure è reanimazione legere.  U stabilimentu puderebbe diventà un unità Covid.