Covid : nisun malatu in più

Eri, l’ARS hà cunfirmatu ch’ùn ci hè nisun malatu di covid in più. Ne simu sempre à 29 persone cuntrullate pusitive (21 in Pumonte è 8 in Cismonte). Una persona essendu surtita da l’uspidale, ne fermanu 7.

D'altrò, da u 3 à u 7 d’aostu,  l’ARS di Corsica ferà una terza operazione di vistichera di u covid in Bastia. A participazione di a pupulazione permette di valutà u livellu di circulazione di u virus, d’identificà i malati, è di rompe e catene di cuntaminazione.