Crisa ecunomica : necessità di salvà a stagione

Eri ci hè stata una reunione trà socioprufessiunali è i prefetti di Corsica. Una reunione in u quadru di a cuncertazione trà l’attori ecunomichi è a CDC pè misure d’urgenza d’un pianu ecunomicu è di rilanciu. Si tratta pè principià di salvà a stagione 2021 è impedì cusì un cataclismu ecunomicu in l’isula. Per quessa, à parte da luni, gruppi di travagliu seranu urganizati pè prupone misure è riflette à a manera di lancià a stagione turistica. Mercuri prossimu, ci serà una cunferenza di stampa di u prefettu di Corsica pè adattà u pianu di u guvernu “Francia rilanciu” à l’isula.