Cullettivu di u 5 di maghju 1992: l'azzione previste in u 2021

Durante una cunferenza di stampa sta mane, u cullettivu di u 5 di maghju di u 1992 hà presentatu e so azzione pè u 2021. A presidente Josepha Guidicelli hà annunziatu chì solu Michel Moulin, candidatu à a presidenza di a FFF, hà accettatu a sacralizazione di u 5 di maghju. Un currieru hè statu mandatu dinù à Gérard Larcher, u presidente di u Senatu, pè urganizà un scontru nant’à a presentazione di sta pruposta di lege davant’à st’istituzione. A presidente hà presentatu dinù l’azzione previste quist’annu: in più di e celebrazione tradiziunale, u prugettu di travaglià in CM1 è CM2 nant’à u tema di u 5 di maghju di u 1992, a rializazione di selfie è di sundagi in carrughju nant’à u tema : “u 5 di maghju di u 1992 vi face pensà à chè ?”.