Cullettivu 'Maffia nò, a vita iè'

Trenta persunalità isulane anu creatu u cullettivu « Maffia nò, a vita iè ». Volenu chì a pupulazione è i pulitichi s’impegninu contr’à a Maffia è dumandanu à u Statu ch’ellu faccia u so travagliu contr’à ella. L’Assemblea di Corsica studierà oghje a viulenza d’origine maffiosa o chì serebbe maffiosa in l’isula. U presidente di l’Esecutivu, Gilles Simeoni, prupone d’urganizà, in e settimane à vene, una sessione speciale nant’à sta quistione ricurrente, cù tutti l’attori di u mondu puliticu è suciale isulanu, pè truvà un diannosticu cumunu è pussibilità d’azzione.