Attualità

In Borgu, a municipalità appronta a cummemurazione di l’80 anni di a sparizione d’Antoine Saint Exupery, l’autore di “Le Petit Prince” chi principierà u 21 aprile cù un carnavale nant’à a tematica di u principellu. Una mostra di ritratti unichi di Saint Exupery serà dinù pruposta allora chi u 21 ghjugnu una ghjurnata cun atteli di lettura, mostra è teatru serà pruposta à i zitelli. Infine u 31 di lugliu, ghjornu di a sparizione di l’aviatore, prumette d’esse una ghjurnata colma d’emuzione.