Attualità

Cunferenza di stampa di Core in Fronte

U partitu indipendentistu Core in Fronte tenia una cunferenza di stampa contr’à ciò ch’ellu cunsidereghja cum’è un esempiu di speculazione fundiaria, di culunisazione di pupulamentu è di mancanza d’integrazione d’una grande magiurità di i 5000 migranti annuali francesi. Si tratta d’una residente corsa di Purtichju in cunflittu cù a so vicina cuntinentale, pruprietaria d’una residenza secundaria chì li dumanda di piantà travaglii malgradu un permessu ottenutu legalmente. Core in Fronte chjama a residente francese à piantà ogni azzione in ghjustizia è ramenta e so rivindicazione contr’à a speculazione fundiaria è a culunisazione di pupulamentu.