Cunflittu à l'Acque d'Orezza : l'eletti di a Pieve anu scontru u presidente di l'esecutivu

Minacciatu da una prucedura di licenzimentu Jean-Louis Rossi direttore industriale di a sucietà di l’Acque d”Orezza hè statu  rintegratu à u so postu. Eri dopu meziornu  l’eletti di a pieve d’Orezza  anu scontru in Bastia u presidente di l’esecutivu per dibatte nant’à u cartulare di l’Acque d’Orezza . Dopu à stu scontru si sò detti rassicurati . Un antra reunione hè prevista dumane, induve u presidente di l’esecutivu scuntrerà  i riprisentanti di u sindicatu, è dirigenti di a sucietà. U scopu hè di schjarì l’avvene di l’Acqua d’Orezza nant’à fondu di cunflittu suciale. Ognunu spera una cuntinuazione di a lucazione di gestione, chi varghi in u sensu d’un prughjettu economicu per l’Orezza, per a Corsica, è per l’inseme di l’impiegati di u situ.