Cunsequenze di u cunflittu marittimu è pianu d'urgenza

Secondu e stimazione fatte eri mane da i socioprufeziunali è a CCI di Corsica, u cunflittu marittimu averebbe fattu perde 1.6 milione d’euri oghjinchi nant’à l’isula. Un pianu d’urgenza cù trè misure hè statu prupostu ; si tratta di l’attivazione di una cellula “cummercii è intraprese in difficultà”, a reattualizazione di u dispusitivu eccezziunale di sustegnu in tesureria cù un percentuale à zeru, è infine l’esunerazione di e cutizazione patrunale di securità suciale per u primu trimestru 2020.