Detti è fatti

Un mottociclistu hè statu feritu durante un accidente stradale in Muncale eri à principiu di dopu meziornu. Hè statu uspidalizatu in Calvi. Eri dopu meziornu dinù, un veiculu hà picciatu focu quand’ellu circulava in Algaghjola. Nimu hè statu feritu. Eri sera, a SNSM hà succorsu duie persone per via chì a so videtta avia inticciatu scoglii in Senetosa, nant’à a cumuna di Sartè. Ste persone è u so battellu sò stati traspurtati versu Pruprià. Oghje, un turistu s’hè feritu à principiu di stu dopu meziornu nant’à u Monte d'Oru. Hè statu traspurtatu à l’uspidale di Corti.