Attualità

Detti è fatti

Un battellu s’hè infiaratu in a notte da dumenica à luni in u portu di piacenza di Prupià. Duie splusione sò state intese è u focu s’hè spapersu à un altru battellu. A pista criminale hè privilegiata. 

Un arrubecciu hè statu cummessu in una casa d’Alata. Trè persone a faccia cuperta è armati si sò fatti rimette ghjuvelli è altri ogetti di valori nanzu di chjude u pruprietariu in una pezza. U preghjudiziu serebbe di parechje millaie d’euri. Un’inchiesta hè stata aperta. 

L’ultimu trenu d’Aiacciu à Bastia hà diragliatu eri sera entrendu in gara di Francardu. Ancu di grazia, u trenu evoluava a vitezza assai lente. Ci hè statu nisun feriti è pocu disguasti. Trinichellu puderà ripiglià à so strada ! 

Un aiaccinu hè statu cundannatu à 18 mesi di prigiò per l’arrubecciu di cinque vitture. L’arrubecci sò stati cummessi in u rughjone di Sartè.

I suldati di u focu d’Aleria è di Ghisunaccia sò intervenuti eri dopu meziornu per spinghje un focu di vegetazione à u livellu di a strada di u mare in Aleria. L’incendiu in bor di strada hà distruttu 500m2 di machja è s’hè spapersu à un campu induve fiamme anu distruttu una linea eletrica.