E marine di Corsica puderanu riapre per l'ascenzione

Una quarantina di manifestanti anu sfilatu eri dopu meziornu per dumandà  l’accessu à e marine nant’à a u liturale balaninu. A cumuna cum’è d’altre di u dipartimentu hà fattu una dumanda di derugazione ghjovi scorsu.  U prefettu di Corsica Franck Robine  hà annunziatu una nova reunione  cù i merri dumane per stabilì inseme e mudalità d’apertura di e marine.

In u quadru d'una visita in Bunifaziu, venneri scorsu, hà annunziatu chì e marine di Corsica puderenu apre à parte da u ghjovi di l'ascenzione, è chì l'autorisazione d'occupazione temporarie (AOT) serebbenu ricundutte per 2020. Misure ottimiste mentre chì s'avvicina a stagione turistica di u scunfinamentu.