Attualità

Emmanuel Macron hà annunziatu a dissuluzione di l'assemblea naziunale

Emmanuel Macron hà annunziatu eri sera a dissuluzione di l’Assemblea Naziunale dopu a vittoria di u Rassemblement National è Jordan Bardella à l’elezzione europee cun 20 punti di megliu chi a candidata di  maggiurità presidenziale Valerie Hayer. U presidente hà cunvucatu un scrutinu legislativu per i  30 di ghjugnu è 7 di lugliu. Una situazione ch’ùn favuriseghja micca u prucedimentu Beauvau è l’autonumia di a Corsica.

U RN realiseghja in Corsica ottu punti di più chè a mediana naziunale. Jordan Bardella ottene 40,76% di i voti davanti à Valerie Hayer (13,28 %) è Raphael Glucksman (9,02 %). S’offre u lussu di mandà una corsa à u Parlamentu europeu, Nathaly Antona, sola candidata corsa eletta, è prima parlamentaria di a storia di a Corsica.