Attualità

Evoluzione di u modu di scrutinu per l’elezzione municipale

Si vota issa dumenica 15 di marzu per l’elezzione municipale. In a maggiurità di e cumune di Corsica, candidati si prisentanu senza oppusizione è in numerosi casi sò liste cundutte da u merre surtante. Ci vole à sapè chì a regula di i 25 per centu smarisce in e piccule cumune di menu di 1000 abitanti. Vale à dì ch’ellu basterà à ottene a maggiurià assuluta di i suffragii sprimati per esse elettu à u primu giru. Oramai in i picculi paese induve l’elettori sò pochi a dispiazzassi per votà, u candidatu porrà esse elettu cù un minimu di voci. In e cumune di più di 1000 abitanti, a regula d’ottene voti chì currispondenu à al menu 25 per centu di l’iscritti, ferma in vigore.