Attualità

Femu a Corsica chjama à l’addunita è spera un cunsensu

Femu a Corsica hà riunitu eri u so cunsigliu naziunale à l’università di Corsica, per decì di a seguita à dà dop’à u votu di u Senatu. Dop’à longhi scambii, hè statu cunvenutu di reunì e forze naziunaliste impegnate in u prughjettu d’autonumia, ma micca solu. A redazzione d’una resuluzione sulenne hà compiu a reunione, induve Femu a Corsica mette in risaltu i so principi fundatori di l’automunia, senza i quali nisun ripresa di dialogu si po fà. Un scontru trà naziunalisti deve fassi in i prussimi ghjorni.