FLNC 76 : cunferenza di stampa clandestina

Eri sera, u presidente Emmanuel Macron hà annunziatu un novu cunfinamentu sin’à omancu u primu di dicembre. Si puderà sorte solu pè travaglià, andà à un appuntamentu medicale, fà e corse o piglià l’aria vicinu à a so casa. Tutte ste surtite deveranu fassi cù un’attestazione. I cumerci ch’ùn sò micca essenziali cume i caffè, risturanti, butteie di vestiti… seranu chjosi. E varderie, scole, cullegi è licei stanu aperti. I studienti universitarii seguiteranu corsi à distanza. I lochi di travagliu sò aperti quandu u travagliu in casa hè impussibule. U dispusitivu serà rivalutatu tutti i 15 ghjorni pè decide di misure in più o di limità certe obligazione in particulare pè i cummerci. Sò interdetti e reunione private fora di in famiglia, i spiazzamenti da una regione à l’altra fora di pè i ritorni di e vacanze di i Santi. L’EHPAD, e case di ritirate, i campi santi fermanu aperti.