Attualità

Franck Elong Abé ghjudicatu per minaccie è viulenze

In l’attesa di u so prucessu per l’assassiniu di Yvan Colonna, Franck Elong Abé hà cumparitu vennari scorsu davant’à a corte d’apellu di Rennes per inghjulie è viulenze contr’à u persunale di a prigiò di Nantes. A l’isulamentu dipoi quattru anni, u detenutu li manda lettere cun propositi viulenti, induv’ellu face riferenza à Yvan Colonna è a sorte ch’ellu li hà riservata. Era statu cundannatu in prima precura à 18 mesi di prigiò da u tribunale di Nantes d’aostu scorsu. L’avucata generale hà richiestu dui anni di prigiò è u so mantenimentu in detenzione. A corte d’appellu hà messu a so decisione in deliberatu. L’arrestu serà resu à a fine di u mese di nuvembre.