François Ciccolini licenziatu di a squadra d'Alger

Francois Ciccolini chì allenava a squadra d’Alger hè statu licenziatu dopu à u so primu scontru. Sabbatu sera, dop’à a disfatta di a so squadra in finale di a super cuppa, l’anzianu allenadore di u Sporting Club di Bastia è u GFCA hà ricusatu di prisentassi in tribuna ufficiale per a ceremonia di rimessa di medaglie. Un gest d’umore cunsideratu cumè una mancanza di rispettu per l’ufficiali prisenti, frà i quali, u primu ministru algerianu,  chì l’hà custatu u so postu.