U cunsigliu superiore riabiliteghja à François-Marie Cornu

U cunsigliu superiore di a magistratura hà annullatu e sanzione contr’à François-Marie Cornu, anzianu ghjudice d’istruzzione di u tribunale ghjudiziariu di Bastia. A prima era stata annullata da u cunsigliu di statu. A retrogradazione d’issu magistratu hè stata richiesta u 3 dicembre. Li era rimpruveratu d’avè purtatu offesa à l’istituzione ghjudiziaria. In fatti, avia suspettatu gendarmi di a sezzione di ricerche di  prutege unu di i so infurmatori, esciutu da u grande banditisimu. St’ultimu serebbe Olivier Sisti, messu in esame in u cartulare di l’assassinii di Jo Sisti è Jean-Louis Chiodi. Olivier Sisti nega ogni implicazione in issu crimine, è cunfuta l’etichetta d’indicadore.