Fucilata murtale d'Aiacciu : una vittima senza storia

Gravamente feritu durante a fucilata chi hà schjattatu dumenica davanti à una brasseria in Mezzavia, Jacques Baranovsky 39 anni impiegatu municipale  scunnisciutu da i servizii di pulizza, hè mortu di e so ferite in a notte da dumenica à luni à l’uspidale d’Aiacciu.  A seconda vittima un omu d’una trentina d’anni hè sempre uspitalizatu ma u so statu hè stabile. Un inchiesta per assassiniu è prova d’assassiniu  hè stata aperta. Laurent Marcangeli merre d’Aiacciu hà cundannatu un attu inqualifichevule.