Attualità

Furesta : una ricunquista diventata urgente

Dumane, in Ghisoni, hè prevista una reunione di u cumitatu di massicciu. Un scontru trà attori istituziunali è socioprufessiunali chì deverebbe sbuccà nant’à a creazione d’un cumitatu tecnicu “furesta-legnu”. Unu di i scopi hè di sviluppà a filiera di u legnu à prò di a strategia energetica di l’isula è a valurizazione di a furesta isulana. Jean-Jacques Gianni, presidente di e cumune furestiere di Pumonte, prupone dinù a certificazione “legnu lucale” pè facilità u ricorsu à u legnu corsu in i mercati publichi. Una pulitica generale à prò di u spaziu furestieru corsu pare necessaria.