Voce Nustrale

Corsica
11 di maghju

Ghjè ora di sorte cù a più grande prudenza

Dopu à 55 ghjorni di cunfinamentu a Corsica ritrova oghje a libertà sott’à surveglianza. Per a prima tappa di u scunfinamentu prugressivu, i cumpurtamenti individuali seranu determinante per  provà di fà piantà a circulazione di u virus. A più parte di i cummercii riaprenu cù precauzione à rispettà, fora di i caffè, i risturante è osterie sempre chjusi. Riapertura dinù di e scole, mà nant’à l’isula numerose cumune anu fattu sapè chi e scole steranu chjuse.

Cuncernendu i trasporti trà a Corsica è u cuntinente hè sempre interdettu per i passageri di vene in Corsica fora per una raggio ubligatoria persunale o prufeziunale.  I passageri deveranu avè un attestazione  cù cuntrolli chi seranu fatti  da e forze di l’ordine . A parte da oghje ci serà a ripresa di i battelli di a meridiunale o Corsica Linea chi ùn limiteranu più à a marcanzia, e maschere seranu ubligatorie à bordu  è i risturante ùn seranu micca accessibile. Per  ciò chi cuncerna l’entrata di strangeri frà elli i taliani hè interdetta.

 

 Indirizzu

Piazza Ghjuvanni Simonetti
20221 Cervioni

+04 95 38 12 83

 Rete suciale

Cuncezzione è realizazione Agence de communication L'Agenza