Greva à u centru di distribuzione di u currieru Bastia-Capi Corsu

Una greva hà principiatu à u centru di distribuzione di u currieru di Bastia-Capicorsu per via d’una riurganizazione interna decisa da Posta. Philippe Aunoble, riprisentante CGT-CTC di u centru, face sapè chì 10 posti d'agenti seranu annullati. D’altrò, l’estimazione di a durata è di u numeru di chilometri percorsi da l’impiegati chì portanu i pacchetti hè dinù un sugettu di cunflittu trà direzzione è persunale. Sta mane, ci hè stata un’addunita davant’à u centru di distribuzione.