Greva di u persunale di l'acque d'Orezza

L’inseme di u persunale di l’acque d’Orezza hè greva è a pruduzzione hè à l'arrestu. U persunale hè impenseritu inquant’à l’avvene di l’acque d’Orezza mentre chì a lucazione gerenza accurdata da a cullettività di Corsica in qualità di pruprietariu di u situ  à Marie Laurence Mora gestiunaria di a cuncessione, tocca à fine. U STC hà ottenutu l’urganisazione d’una reunione trà tutte e partite cuncernate da l’avvene di l’acque d’Orezza. Hè prevista luni chi vene. Intantu u muvimentu di greva cuntinueghja.

Sempre in l’Acque d’Orezza, una prucedura di licenzimentu hè stata fatta à l’incontru di Jean-Louis Rossi direttore industriale in carica di a pruduzzione di a tecnica è logistica dipoi aprile 2013. U persunale s’hè dettu sulidariu da u so direttore.