Attualità

Infurmazione diverse di a dumenicata

In Riventosa issa dumenica matina, un anzianu pagliaghju risturatu in cumerciu,  hè statu distruttu da un incendiu. Malgradu l'intervenzione di i suldati di u focu, u stabilimentu hà subitu diguasti impurtanti. Hè a seconda volta in un' annu, ch'issu pagliaghju hè sinistratu. Un inchiesta hè stata aperta per incendiu vuluntariu, cunfidata à a gendarmeria di Corti. 

Un omu d'una trentina d'anni, hè statu incarceratu per portu arme è detenzione di droga. Interpellatu per un infrazzione stradale, i gendarmi si so accorsi ch'ellu detenia un 'arma, cartuccie è un pugnu americanu. A seguita di l'investigazione hà permessu di scopre cuccaina è erba di canabis. Hè statu prisentatu à a procura d'Aiacciu per una cumparuzione issu marti.