Attualità

I laureati di u premiu di u libru corsu

Addunitu st’ultimi ghjorni a ghjuria di u premiu di u libru corsu hà numinatu sei autori in cinque categurie per u so sensu di storia, di i so interessi per u patrimoniu è di a lingua corsa. U premiu di finzione in lingua francese hè attribuitu à Marc Biancarelli per “Roman national”, in lingua corsa u premiu rivene à Marceddu Jureczek  per “U pesu di u mondu”, in a categoria prova Laetitia De Witt hè stata premiata per “Letizia Bonaparte”, u premiu di a ghjuventù hè statu vintu da Ghjuvà Lucchinacci per “Sognus Mortalis”, in fine per i belli libri ghjè l’opera di Alain Gauthier  cù “Sources thermales è minérales de Corse” chi hà cunvintu a ghjuria. A rimessa di i premii si tenerà u 17 d’uttobre prussimu nant’à u situ di u museu d’Aleria.