Attualità

I parlamentari corsi ricevuti da a ministra di a decentralisazione

I quattru deputati è i dui senatori corsi sò ricevuti sta sera da a ministra Françoise Gatel. Un scontru in u quadru di a preparazione di l’esame di u prugettu di lege custituziunale nant’à l’autonumia di a Corsica. U testu deve esse dibattutu à u Senatu à parte da a fine di maghju, prima tappa d’un percorsu legislativu chì deve pruseguesi dopu à l’Assemblea Naziunale. L’ogettivu hè di fà aduttà u testu nanzu a fine di l’annu à u cungressu di Versailles. Stu prugettu di lege ghjova à ricunnosce un statutu d’autonumia in a Republica francese.