Attualità

I risultati di Naziunale è di regiunale 1

In naziunale 2 a squadra di Furiani hè stata duminata da Fleury, seria squadra pretendente à l’accessione. I furianinchi fermanu ondecesimi. U FC Balagna  hà persu 4 à 0  in Wasquehal. I balanini sò quinti à a classifica.

In naziunale 3 gruppu D u FC Borgu s'hè impostu in casa soia contr'à u rileghevule Chatou (3/1) è si mantene in testa di a classifica. L’ACA chì si dispiazzava in St Ouen rivene cù u puntu di a parità  (1/1). U SCB hè statu disfattu in Dives 4 à 3 è sò ottesimi.

In gruppu J un scontru Alès-Corti hè statu attempatu. U Gallia Lucciana hà strappatu a so vittoria contr'à Aigues Mortes (3/2) è vince duie piazze à a classifica occupenda a settesima piazza.

U Sud FC hà persu in Montpellier 1 à 0 è ferma avant’ultimu di a classifica cù 12 punti.

In regiunale 1 u GFCA hà vintu in Biguglia 2 à 0, l’aiaccini inviti supraneghjanu u campiunatu cù 52 punti.  Eccica Suarella secondu s’hè impostu  2 à 0 in Afa.  A Casinca cù a so vittoria 3 à 0 contr’à Ghisunaccia si trova à a quinta piazza