Attualità

I risultati di Naziunale: U FC Borgu cunforta a so prima piazza

In naziunale 2 u FC Balagna chi ricevia Biescheim, ùn hà pussutu fà megliu chè a parità (0/0). Cume i Furianinchi  in dispiazzamentu  in Aubervilliers (2/2)

In Naziunale 3 , gruppu D, u FC Borgu hà vintu in Quevilly squadra rileghevule 4 à 0 ciò chì permette à i burghisgiani in testa di a classifica d’avè ottu punti d’avanzu davant’à u SCB, secondu. U SCB vittoriosu eri da Linas Montléry (2/0). L’ACA, ottesimu di a classfica hè statu disfaftu in Alençon da una squadra à l'orlu di a rilegazione (2/0). 

In u gruppu J, Corti chì affrontava Montpellier, cuncurente direttu per u mantinimentu, hà persu (0/3) è u Gallia Lucciana hè statu battutu à u cumplessu Galetti da Marseglia(0/3). 

U Sud FC hà fattu un risultatu paru in Agde 0 à 0, i terzi à a classifica.

A a classifica d’issu gruppu J, u Gallia Lucciana hè 8 imu, u Sud FC , 12 imu è Corti ultimu.