Attualità

I risultati di i campiunati Naziunale

In Naziunale 1, Furiani s'hè impostu  3 à 2 contr'à Montlouis. Hè a prima vittoria di a banda à Romain Parturel à u campu di ghjocu Paul Antoniotti. Eri, u FC Borgu hà persu in Chambly (2/1). I bastiacci meritavanu megliu vistu i forzi cuncessi da l’omi di Gary Coulibaly.

Dop’à a trè ghjurnate Furiani hè sestu à a classifica. U FC Borgu 11 imu. Sabbatu prussimu i furianinchi si dispiazzeranu in Chantilly, è i burghisgiani riceveranu u RC France.

In naziunale 2 , gruppu H, l’US Corti è u GFCA anu fattu parità (1/1) malgradu a duminazione di i curtinesi sin'à u 91 imu minutu di ghjocu, chì ponu esse dilusi d'esse passati cusì vicinu di a vittoria. L’aiaccini sò quinti è i curtinesi decesimi.

In u gruppu G  u scontru di u Gallia Lucciana chi si duvia dispiazzà à Fos sur mer hè statu attempatu per via d'un prublema di trasportu. 

In u gruppu D, u Sporting club di Bastia hà strappatu a parità in Versailles (0/0) mentre chì u FC Balagna troppu inefficace, hè statu disfattu in Oissel (2/0).  E duie squadre corse puntanu à e duie avant’ultime piazze di a classifica.