Attualità

I risultati di Naziunale

In naziunale 1, u FC Borgu hà vintu 3 0 contr'à Colmar, mentre chi Furiani hà persu in Creteil 3 à 1. Hè a prima disillusione per i furianinchi dop'à sei scontri senza disfatta. I burghisgiani elli, si sò imposti cù a manera. 

In Naziunale 2, U FC Balagna s'hè cuntentatu di a parità (2/2)  contr'à Saint Quentin ch'ellu ricevia à u campu di ghjocu Jacques Ambrogi. I balanini anu mancatu l'occasione di piglia a testa di u campiunatu. U GFCA hà subitu a so prima disfatta di a stagione contr'à Blois Foot 41 (3/0). 

Sempre in cerca d'un primu sucessu in campiunatu, Corti si dispiazza oghje in Saint Jean Le Blanc, terzu à a classifica è squadra invinta.