Attualità

I sindicati dumandanu un novu uspidale in Bastia

Eri, à l’uspidale di Bastia, i quattru esperti di a Cumissione Naziunale Investimentu Salute anu ricevutu a Direzzione, i membri di u cunsigliu di surveglianza, u cullettivu di l’usageri è i sindicati. St’ultimi anu dumandatu spiecazione pè a mancanza di cumunicazione nant’à a visita di a Cumissione di ghjugnu 2022. Quistione firmata senza risposta. I sindicati anu insistitu dinù nant’à u bisognu d’un novu uspidale nant’à un altru situ è dumandatu un raportu nant’à sta visita di a cumissione à u mese di ghjugnu.