Attualità

In l’affare Colonna l’avucati dinunzianu una chjusura attruccata

I cunsiglii di u fratellu è a surella d’Yvan Colonna annunzianu a chjusura prussima di l’inchiesta penale aperta di marzu 2022 per assassiniu in leia cù un’impresa terrurista. Un cartulare induve l’agressore di u pastore di Carghjese, Franck Elong Abé, hè messu in esame è piazzatu in detenzione. Una chjusura chì intervene qualchi ghjornu dop’à a classificazione senza seguita di l’inchiesta aperta à l’inziativa di a cummissione d’inchiesta parlamentaria. Una simultaneità chì pone quistione in quant’à u trattamentu ghjudiziariu d’issu gravissimu cartulare. D’altrò, sta mane, in segnu di prutestazione, i liceani di u Fesch è di u Laetitia in Aiacciu bloccanu l’entrate di i so stabilimenti cù a bandera 'Ghjustizia è verità pà Yvan Colonna”.