Attualità

Incendiu ammaestratu in Biguglia, fissatu in Albertacce ma sempre vigilenza massimale in Corti

U focu di Biguglia ch’hè statu assai virulente hè oramai ammaestratu senza avè abbisognatu evacuazione di e zone urbanizate, una lotta ch’averà casiunatu ferite legere à u capu d’un spenghjifocu mubilisatu. In Albertacce nisun partenza nova di focu hè stata cunstattata eri mà un canadair hà effettuatu rotazione preventive nant’à fumarole. Inquant’à Corti a ghjurnata d’eri hà abbisognatu parechje intervenzione nant’à riprese in a valle di a Restonica è quella di u Tavignanu. S’evenimenti portanu digià un bilanciu severu di più di mille ettare distrutte è una perspettiva più chè pisiva pè l’annata 2026. Cum’è di solitu parechje incheste sò state aperte da a procura di Bastia pè determinà l’origine di sti fochi.