Attualità

Infrazione à a legislazione nant’à l’arme: dui omi cundannati in Aiacciu

Frà i trè omi arrestati in pusessu d’un arma u 15 di ghjennaghju scorsu in Aiacciu, dui sò stati ghjudicati in cumparuzione subitanea stu ghjovi. S’elle eranu state abbandunate e cariche d’associu di malfattore, i so argumenti ùn sò riesciuti à cunvince una corte chì s’hè arrimbata à un cuntestu è à a so vicinanza supposta cù u gruppu criminale dettu di l’Africani. Sò stati cundannati à 18 è 24 mesi di prigiò assurtiti d’un interdizzione di detenzione d’arma di 15 anni. Ramintemu chì u terz’omu interpellatu era statu lasciatu liberu dop’à a guardia custoghja.