Attualità

Interpellazione in Bastia è Borgu

Parechji omi sò stati  interpellati in a nuttata scorsa trà Borgu è Bastia in una sola intervenzione. Ghjè pè azardu chì dui affari distinti si sò cruciati. In u primu affare a pulizza hà surpresu un transazzione suspetta in Bastia trà un cunduttore è un pidonu cuntrollatu in pusessu di cucaina. U pidonu essendu statu arrestatu senza difficultà i pulizzeri si sò messi à a ricerca di u cunduttore fughjidicciu  pè arrestà lu fatta fine in u Borgu. 

Ghjè in cerchendu u fughjiticciu chì u secondu affare s’hè svellatu.  I pulizzeri  anu surpresu un effrazzione è un suspettu in pusessu d’un scooter arrubatu l’omu hè statu interpellatu sopr’à locu.