Attualità

L'affare Porri-Mourren Perrino davanti à corte d'appellu

In l’affare di Porri-Mourren Perrino l’avucatu generale hà dumandatu davanti a corte d’appellu di Bastia a cunfirmazione di e cundanne prununziate  in prima precura in 2019 à l’incontru di Pascal Porri, a so cumpagna Valerie Mouren è Antony Perrino, anzianu PDG di u Corse-Matin.

Hè rimproveratu à u promotore immubilliariu  d’avè  appighjunatu à u coppiu Porri-Mouren, un appartamentu di lussu in Aiacciu à un prezzu  inferiore à quellu di u mercatu cun privilegii micca ghjustificati.  Pascal Porri è Valerie Mouren eranu stati cundannati per abusi di bè suciali è imbianchimentu di froda fiscale à 16 mesi di prigiò  è sei mesi attempati. Antony Perrino era statu cundannatu à 15 000 euri d’amende per abusi di bè suciali. Tutti avianu fattu appellu. A decisione hè stata messa in deliberazione à u 16 di marzu.